ပြင်သစ်ကို comebackနဲ့အနိုင်ယူကာ ဗိုလ်လုပွဲကို ထိုက်ထိုက်တန်တန် တက်ရောက်သွားတဲ့ စပိန်

စပိန်အသင်းဟာ ပြိုင်ပွဲတလျှောက် တည်ငြိမ်တဲ့ ခြေစွမ်းတွေနဲ့အတူ ဒီအဆင့်ကို ရောက်လာခြင်းနဲ့အတူ ဒီညမှာလည်း နောက်ထပ် ခြေစွမ်းကောင်းတွေပြပြီး ဗိုလ်လုပွဲကို တက်ရောက်သွားနိုင်ခဲ့ပါတယ်။

ဒီနှစ်ယူရိုပြိုင်ပွဲမှာ ခံစစ်အကောင်းဆုံးအသင်းဖြစ်တဲ့ ပြင်သစ်ခံစစ်ပါ တိုင်ပတ်သွားတဲ့အထိ ယာမယ်လ်၊ အိုလ်မိုတို့ အလုပ်ပေးနို်ငခဲ့ပြီး တိုက်စစ်စွမ်းဆောင်ရည်ကောင်းပြခဲ့ပါတယ်။

ပြင်သစ်ကတော့ ဂိုးစသွင်းနိုင်ခဲ့ပေမယ့် ချေပဂိုးနဲ့ဦးဆောင်ဂိုးတွေ ပြန်ပေးလိုက်ရပြီးနောက် ကစားကွက်ပျက်သွားကာ ချေပဂိုးပြန်မသွင်းနိုင်ဘဲ ဆီမီးဖိုင်နယ်အဆင့်နဲ့သာ ကျေနပ်ခဲ့ရပါတယ်။